洗底

洗底 - 當年英政府在1988年實施《洗脫三合會會籍計劃》，讓三合會成員能夠有改過自身的機會。因為「一日為黑，終身為黑」。現在再沒有此計劃，很多人想洗底亦沒有機會。

的確，很多人想洗底…洗去中國人的底。雖然中國有黑社會，但至少不是中國有，美國、日本、意大利都有黑社會，而且規模比香港或中國的還要大。

洗底的人，都認為背著社團字頭的名義是一個負累，身為會員是負面的，是會被人看不起的，是低劣的，是不被尊重的。

不知何時，中國人都變成了黑社會；中文彷佛是黑社會的背語一樣。

在夜場內，開場白第一句：「where do you come from?」
我答：「香港，你呢?」

「Me too，但我唔好識中文。」

「咁你照講英文，我答你中文。」

「乜你唔識講英文?」

「乜你唔識聽中文?」

可能我串得濟，所以我都無乜機會同女仔傾計，跳舞。

不過之後我通常都發現，佢同佢女性朋友就會講中文，話我唔識講英文。」

中文，就是她們的背語。在黑社會社群上，他們都不會跟非黑社會的人說背語。你何曾聽過有人會跟你說，「我依家去舉o左隻蛋摸水。」或者「落去溝條灰斗。」

唔講，因為唔想俾人知；而講，都係同同門的人講，因為大家都知大家背景。當然，我用中文，就會俾人以為我係「盤」緊人。「盤」人的結果就係……自己返屋企。

黑社會人士或許唔想俾人知佢扒灰，所以老同都愛穿長衫長褲。
想洗中國底的人就會著得較為暴露，因為唔想俾人知佢有中國底。

佢亦唔多鍾意食中國食，少去飲茶，亦不愛去食中菜。意大利、法國餐廳或許更佳。

當然，聽中文歌者，亦怕俾人知佢係有底之人，因此避而不認。


不過，原來當年的洗底計劃，根本沒有大佬走去洗底，因為他們對其字頭的認同感十分強，亦不認為這個底有什麼不妥。想洗底的，都是沒有底份的人。是他們自卑嗎?


或許民政事務局，在不久的將來，都要為部份市民安排《洗脫中國籍計劃》，好讓一眾自卑、內心空虛的人重拾自信。

不過，一日中國人，一生中國人，可不為自己的民族作點貢獻呢?