幸福之呎

好多時而家例如香港女仔 , 佢地係睇緊事實的 [ 後半部 ] , 即是只著眼事件的結果 , 而重要的是, 其實好多所謂有家底的中上產 , 佢地都唔多唔少係有D 過人之處 , 學歷高 , 肯學 , 學識好令行為, 談吐好 , 待人有見識 , 大方亦令事業順利 , 但問題係 , 不少女仔只響往後半 Part ( 嘩！金龜婿呀,一天光晒啦~), 期望幸運之神一定出現 , 與及認為 [ 只要有貨就是好貨 , 有貨就得啦 ！ ] , 但佢地唔明一個好基本的常識 , 有貨: 也要分高低 , 唔係有貨就大晒的. 優質的貨 , 自然有[ 高級 VIP 買家 ] , 相反 , 普通一般貨品 , Sorry , 係咁上下 , 自然是符合咁上下條件既買家吧。請注意 , 我唔係影射女仔係咩野 , 女仔們請勿對號入座 , 心照的請便。


出身普通 , 男女都好 , 唔係罪 , 命運天注定, 富貴命生成 , 命裏注定嫁唔到上等人, 條命無貴氣 , 再加上怨天尤人 , 不學無術, 惡形惡相, 尖酸刻薄 , 惡型形於色, Miu咀 Miu舌, 更令係人見到都怕 , 咁樣 , 點會有貴氣呢 ? 行為霸道面目可憎 , 上等人有都嚇到雞飛狗走了！


我個人認同[ 幸福 ] 係有標準來量度的 , 係有一把呎去量度 , 但這把呎, 必須係合理的呎 , 量力而為的呎 ,實是求事的呎 , 人比人比死人 , 住普通平價樓去街市執平野 , 自有其樂, 幸福係自己把握的 , 快樂係俾你去享受的 , 小小家庭老實人都可以創造自己的安樂窩 , 人人都可以有自己的白馬王子 , 只係你有否用正確的呎去量度！


港女 VS 港男 其實男女大家都活在痛苦中 , 欲罷不能 , 港女受太多市面上的媒體歪理感染 , 例如女仔唔識的妖言惑眾廣告商用 Photoshop 假造美白形象 , 不美白是罪過 , 不懺體是老土 , 然後不斷用拍馬屁的方式 , 吹捧做時代女性 , 你有如吸毒一樣死慳死抵進貢所有金錢去買九十幾款精華素 , 當你俾錢進貢後就會被評定為 [ Good ! 時尚 fair Lady , 多謝！ ] , 女仔們有如著上白雪公主的夢幻舞衣一樣 , 對著那幾瓶一千幾百或更貴的所謂由不同 chemical component 溝出來的所謂 ( 神仙水 ) , 你用左無效係你既問題 , 再買第二隻試下啦、人人用過都滑過 BB 女架 ~~ 鏡頭一轉 , 零食是我的生命 , 九百幾款甜酸苦棘塞入口 , No problem, 買部打肚皮機啦 , Model 都用架 , 最好加埋而家推介既神奇鯊魚骨膠原+ 藍梅+ 維他命 A-Z 收腹 Lotion 啦 , 咁就得啦！


手執一堆由先進國家但低成本數百種 chemical 溝成的神仙水 , 對著鏡子 , $79.9 的針織返工衫變成 Anna Sui , 廷胸收腹 , 深呼吸…Good , 準備又塞一口乜乜甜酸苦棘乾 , good…..弊 ！肚仔三角位開始爆肥肉！但個胸 OK既 , 好彩未有拜拜肉…. 哎喲….Pat Pat 好 [ THE ] 呀 ！死！要著長裙！唔好三個骨褲喇‧楂一楂神仙水 , 鏡前眼泛淚光 , Beautiful~ Yeah~打個電話俾一個肥過自己但可能靚過自己少少的姊妹死黨 , 彈下邊個男同事又邊個老公 , 其實都係無男友 , 或者唸下有無公司 trading 之類識下隔離公司有無好男仔 ？大家姊妹間互相探路 , 但又唔好透露太多 , 以免姊妹團搶先一步 , 自己又包尾了。


垃圾媒體甚至請 / 或掛名一所謂[ 靚才女 ] 例如張__慈之類 , 其實根本都唔知是否佢本人親自寫的文章 , 將一些歪理美化地寫出來 , 八婆雜誌又吹捧下邊個亞新聞之花阿趙珠珠點樣高薪$80000 , 又吹下只有幅相 Graphic 未有地盤的什麼生活品味靚樓，但只係吹捧 , 而一有些家庭暴力 , 嘩發達了！妖魔化所有男人 , 把人人都小丑化 , 年青的男仔全部 label 化 , 身份證 ( Male ) 的都是邪魔 , 只有金龜婿才是上帝之手。

各位小姐 , 你的 [ 幸福之呎 ] 是什麼型號 ？

chan tai man

http://hk.myblog.yahoo.com/hkgal-today